Hesablama marşrutun uzunluğu, nəqliyyat növü və yükün çəkisi əsasında aparılır. Göstərici təklifə əlavə olunur, beləliklə müştəri daşıma variantını təkcə qiymət və müddətə görə deyil, ekoloji təsirə görə də müqayisə edə bilir.
Praktikada fərq nəzərəçarpandır: eyni yük üçün dəmir yolu marşrutu hava daşıması ilə müqayisədə xeyli az emissiya yaradır. Bu məlumat xüsusilə beynəlxalq tərəfdaşlarına hesabat verən şirkətlər üçün faydalıdır.
Paralel olaraq anbarlarımızda birdəfəlik plastik qablaşdırmadan tədricən imtina edirik. Streç plyonka təkrar emal olunan materialla əvəzlənir, karton qutular isə mümkün olduqda yenidən istifadəyə verilir.
Layihə növbəti mərhələdə təchizatçılarımızı da əhatə edəcək — Çindəki anbarlarımızda eyni standartların tətbiqi üzərində işləyirik.
